USTMত ১০ম পি. এ. চাংমা স্মাৰক বক্তৃতা
প্ৰয়াত ৰাষ্ট্ৰনেতাৰ জীৱন-আদৰ্শ আৰু অৱদান স্মৰণ
ৰী-ভই, ১ ছেপ্টেম্বৰ: মেঘালয়ৰ University of Science & Technology Meghalaya (USTM)-ত আজি NKC Auditoriumত ১০ম পি. এ. চাংমা স্মাৰক বক্তৃতা অনুষ্ঠিত হয়। প্ৰাক্তন মেঘালয়ৰ মুখ্যমন্ত্ৰী তথা লোকসভাৰ প্ৰাক্তন অধ্যক্ষ প্ৰয়াত পি. এ. চাংমাৰ ৭৯সংখ্যক জন্ম জয়ন্তী উপলক্ষে এই বক্তৃতাৰ আয়োজন কৰা হয়।
অনুষ্ঠানত S. K. Barik, USTMৰ উপাচাৰ্য অধ্যাপক জি. ডি. শৰ্মা, অধ্যাপক-অধ্যাপিকা, ডীন, গৱেষক আৰু শিক্ষাৰ্থীসকলে অংশগ্ৰহণ কৰে।
বিশিষ্ট বক্তা অধ্যাপক এছ. কে. বাৰিকে পি. এ. চাংমাৰ উত্তৰ-পূৰ্বাঞ্চলৰ প্ৰতি থকা দূৰদৰ্শী দৃষ্টিভংগী আৰু অৱদানৰ কথা স্মৰণ কৰে। তেওঁ কয় যে এই স্মাৰক বক্তৃতাই চাংমাৰ ঐতিহ্যক জীয়াই ৰখাৰ লগতে শিক্ষা, সমাজ আৰু উত্তৰ-পূৰ্বাঞ্চলৰ গুৰুত্বপূৰ্ণ বিষয়সমূহক লৈ অৰ্থপূৰ্ণ বৌদ্ধিক আলোচনাৰ মঞ্চ হিচাপে পৰিগণিত হৈছে।
উল্লেখ্য, ২০১১ চনত প্ৰতিষ্ঠিত USTM-এ শিক্ষাদান, গৱেষণা আৰু উদ্ভাৱনৰ ক্ষেত্ৰত উত্তৰ-পূৰ্বাঞ্চলত গুৰুত্বপূৰ্ণ ভূমিকা পালন কৰি আহিছে। ২০২১ চনত বিশ্ববিদ্যালয়খনে NAACৰ ‘A Grade’ লাভ কৰিছিল।
