বেংগালুৰু: বহু চৰ্চিত ছবি **‘টক্সিক’**ৰ প্ৰচাৰ-ঝলক মুকলি হোৱাৰ পাছতে ছবিখনৰ অভিনেতা যশে তেওঁৰ পত্নী ৰাধিকা পণ্ডিতক লৈ কৰা মন্তব্যই বিশেষ চৰ্চা লাভ কৰিছে। যশে কয়, তেওঁৰ সৈতে সংসাৰ কৰাটো সহজ নহয় আৰু ছবিখনৰ কঠিন সময়ছোৱাত ৰাধিকা সদায় তেওঁৰ কাষত আছিল।
ছবিখনৰ বাবে যশে একাধিক লুক আৰু শাৰীৰিক পৰিৱৰ্তনৰ বাবে দীঘলীয়া সময় কঠোৰ পৰিশ্ৰম কৰিবলগীয়া হৈছিল। এই সময়ছোৱাত ৰাধিকাৰ সহযোগিতাৰ বাবে তেওঁ কৃতজ্ঞতা প্ৰকাশ কৰে।
ইফালে ‘টক্সিক’ৰ ‘তবাহী’ গীতত যশ আৰু কিয়াৰা আদৱানীৰ ঘনিষ্ঠ দৃশ্যক লৈ সামাজিক মাধ্যমত বিতৰ্কৰ সৃষ্টি হৈছিল। এই সন্দৰ্ভত যশে কিয়াৰাৰ কামৰ প্ৰতি নিষ্ঠাৰ প্ৰশংসা কৰি কয় যে সমালোচনাক গুৰুত্ব নিদি নিজৰ বিশ্বাস অনুসৰি কাম কৰি যাব লাগে।
গীতু মোহনদাস পৰিচালিত ‘টক্সিক’ত যশ-কিয়াৰাৰ উপৰি নয়নতৰা, তাৰা সুতাৰিয়া, ৰুক্মিণী বসন্ত আৰু হুমা কুৰেশী অভিনয় কৰিছে। ছবিখন ২৬ আগষ্টত মুক্তি পোৱাৰ কথা।
